Laborantza politikak

Inprimagai

Laborantza politiken jarraipena.

Testu eta parte hartzaileen aniztasunari begira, araudiak eta legeak ongi jarraiki behar dira, eta laboraria informatu eta lagundu behar da. Hori da elkarteak finkatu duen eginkizun nagusietariko bat. Bi ardatzatan zatikatzen da.

Laborantza politika desberdinen bilakaerak jarraiki.

1962an plantan ezarria izan den Laborantza Politika Bateratua aski egonkorra izan da 2003a arte. Geroztik, beti eta azkarki aldatzen ari da. Plantan ezartzeko zaila da eta eztabaida sorrarazi du. Ondoko epea 2013. urteko finkatua da eta Europar Batasuneko Laborantza Politika Bateratuaren izaitea bera berriz aipatuko da.

Eskualde Kontseiluak eta Kontseilu Orokorrak politika bereziak garatzen dituzte, laborantza aktore ekonomiko nagusia baita Akitanian, are gehiago Pirinioetan.

Laborariak lagundu beren eguneroko lan administratibo eta juridikoetan

Etxaldeen ingurune juridikoa gero eta korapilatsuagoa da. Euskal Herriko Laborantza Ganbararen sorreraz geroztik plantan ezarria izan den zerbitzu juridikoa askotan baliatua da. Zerbitzu horrek behar bati erantzuten du, arlo desberdinetan : laborantza-zuzenbidea, laborariaren estatutua, ingurumena-zuzenbidea, laborantza sozietateen zuzenbidea…

Biltzar publikoak eta permanentziak antolatzen ditu elkarteak, beharra senditzen den aldi oro. Bestalde, animatzaile-teknikalari desberdinak beren aholkuen emaiteko prest dira, bakotxa bere gaitasunen arabera.