Lan sailak

Inprimagai

Funtzio anitzeko laborantzak (ekoiztu-lana eman-zaindu) laborari anitz behar ditu: lurralde osoan banatuak, baina oroz gainetik gizartearen nahiak kondutan hartzen dituena. Hortakotz  kontsumitzaileak eta natura babesten dituzten elkarteek parte hartzen dute Euskal Herriko Laborantza Ganbarako biltzar orokorrean. Parte hartze horrek elgarrekin lan egiteko xedea erakusten du. Gaurko eskakizunak biharko aukerak dira : laborantza zaintzekotan honen kaltitateari eta berezitasuneri lehentasuna eman beharko zaiete.

Helburu horiek gauzatzeko, Euskal Herriko Laborantza Ganbarak lau lan-sail identifikatu ditu. « Euskal Herriko etxaldeak » lana gehiengoari eman dezan eta  irabazi hein on batekin, kontsumitzaileen eta naturaren errespetuan,  lan-sail hauek ezinbestekoak dira,:

• Tokiko garapenerako egiazko aktore izan.
• Etxaldeen transmisioaren eta laborari berrien instalatzearen inguruan diren gogoetak  eta dinamikak lagundu.
• Laborantza politikak jarraitu.
• Ekoizleen irabazia hobetzeko, jakitateak eta egin moldeak garatu eta zabaldu, laborantza ekonomoago eta autonomoago baten inguruan.

Bost urte barne, 1.100 laborari baino gehiagok Euskal Herriko Laborantza Ganbararen laguntzari dei egin du, hots Iparraldeko etxalde « profesionalen » herena nonbait han. Hunkituak diren laborarien kopurua eta kokapena azkarki aldatu dira 2005 eta 2009 urteen artean.